تحذير: عشوائية قاتلة.
نظرًا لسوء الإنترنت في مصر، لمّا بافتح Goodreads، بيجيب لي quote في صفحة فاضية عقبال ما يحمّل.
فتحته النهارده لاقيت:
Books. Cats. Life is good. - T.S. Eliot
فتحته النهارده لاقيت:
Books. Cats. Life is good. - T.S. Eliot
كتب. قطط. الحياة جيدة.
نعم، أستاذ إليوت، أنا أوافقك الرأي.
نعم، أستاذ إليوت، أنا أوافقك الرأي.
I finished a book today, and started another. On my way out of college, I found a lovely cat sitting quietly, so I approached her and played with her for a bit. She gave me so much love, in a very short time.
And nothing else matters.
المثير للدهشة، أو التفكّر، أو اللي مش مثير لأي حاجة بس عايزة أقوله، إنّي كذا مرّة أفتح وألاقي الquote ده وعادي، ماشي، كتب وقطط، حلو، حمِّل بقى وخلّصني، بس ده ماحصلش النهارده.
ليه؟
عبث.
تلاكيك.
زيّ ما ساعات باتلككّ علشان أزعل أكتر، ممكن أتلككّ علشان أنبسط أو أطنّش أو أنتعش.
تلاكيك.
زيّ ما ساعات باتلككّ علشان أزعل أكتر، ممكن أتلككّ علشان أنبسط أو أطنّش أو أنتعش.
بس أنا لمّا أخرج من موود الحزن، ولو لوهلة، مش بابقى من الناس الfluffy دي اللي شايفة الدنيا وردي (I don't like them)، لأ، يعني مش هاقول life is good، بس هاقول إن nothing matters، وفاكس، وليه نوجع قلبنا وإحنا عندنا كتب وقطط ونِتّ -باين كده- والدحيح ولاتيه وموز وشوكولاتة؟
(وحاجات تانية كتير، بس مش عايزة أدخل في السكّة دي علشان مش هاطلع منها. بجد مش هاطلع منها.)
(وحاجات تانية كتير، بس مش عايزة أدخل في السكّة دي علشان مش هاطلع منها. بجد مش هاطلع منها.)
بصراحة، أنا باحبّ الحزن. الحزن جميل وأنيق، وتقريبًا مافيش حاجة جميلة اتعملت إلّا وكان وراها حزن، لكن الحزن المُبتذل مقرف. والحزن لمّا بيبدأ يستعبط مقرف. أنا باحبّ منّة (ده اسمي، هاللو) الرايقة، وأتمنى إنها تحاول تطغى شويّة على منّة الحزينة المنطوية. مش علشان حدّ قدّ ما هو علشاني أصلا، يعني ليه القرف بجد؟ أنا عن تجربة عارفة إن سهل قوي الواحد يبقى حزين، مش سهل، ده يعني بيحصل automatically، هو ال default تقريبًا مؤخّرًا، فأنا لو مستسلمة لل default، كده أنا إيه؟ كده أنا إيييييييه؟ وانت إيه؟ وإحنا مييييييين؟
فيه فرق بين إنك تكون حزين وتعبان نفسيًا وبين إنك تكون مستسلم لفكرة إنك حزين وتعبان نفسيًا.
الجدير بالذكر إني ممكن بكرة الصبح أصحى مكتئبة وأروح الكليّة هائمة على وجهي، بس أتمنى إن ده مايحصلش، أو إنه لمّا يحصل، أتخانق معاه، زيّ ما باتخانق مع سوّاقين المايكروباصات لمّا يحاولوا يكسروا عليّا.
الإنسان وحش قوي على فكرة.
لمّا باكون سايقة، بابقى مش طايقة المايكروباصات وعبثهم المُسمَّي سواقة، بس لمّا باكون راكبة مايكروباص، بابقى ممنونة جدًا ليه لإنه هينجز في الزحمة والقرف.
لمّا باكون سايقة، بابقى مش طايقة المايكروباصات وعبثهم المُسمَّي سواقة، بس لمّا باكون راكبة مايكروباص، بابقى ممنونة جدًا ليه لإنه هينجز في الزحمة والقرف.
حقيقي الإنسان وحش، وأنا زهقت منه ومن النسبيّة ومن مشاعره اللي بتتحكّم فيه وهي ممكن تكون وهم أصلًا مش مشاعر حقيقية أو مالهاش مصدر غير عقله.
العقل عايز كده.
العقل عايز كده.
ليه يا حبيبي، ليه يا بابا؟ نتفاهم طيب؟
لأ. قولًا واحدًا. عيّطي.
*sigh*
