انت كنت محبوس جوة القفص،
كسرت القفص،
خرجت منه.
فضلت تجري... تجري... تجري...
وانت باصص وراك على القفص اللي قدرت تكسره و مبسوط.
حاسس إنك حر.
بتجري بسرعة،
مش باصص قدامك...
دخلت جوة قفص تاني...
قفص أقوى من الأولاني.
مش عارف تخرج...
اللي برة القفص بيقولوا إنك تستاهل،
لإنك متهور...
مخرب...
كسرت القفص الأولاني.
و كل ما يكون القفص اللي انت فيه أقوى،
كل ما يكونوا هما مرتاحين.
انت دلوقتي حالتك أوحش من الأول،
انت خدت حريتك، وحسيت بيها،
للحظة،
وبعدين خسرتها،
للأبد؟
No comments:
Post a Comment